砂岩前鋒射手大火併

猪拉多纳

日本天皇盃八強戰開打，鳥棲砂岩喺主場迎戰川崎前鋒，兩軍都有個超級射手在陣，砂岩擁有「和製轟炸機」豐田陽平，客軍就有本季日職神射手大久保嘉人助陣，兩個都好醒，今次鬥攻爭出線，入波唔會少，大盤捧得過！

（周日下午2時開賽、馬會網上文字直播）

豐田陽平過去三季平均每季於聯賽轟入廿球，產量甚高，呢個中鋒身高得一米八五，但頂上功夫好好，被封為「和製轟炸機」。為咗爭取下年參戰巴西世界盃，豐田陽平喺季尾仍然好落力，球隊前仗主場4比1大炒爭標分子浦和紅鑽，佢個人連中三元，成功加咗唔少分。

川崎前鋒射手大久保嘉人仲堅，佢以廿六個士哥成為日職神射手，全季保持佳態，真係好難得。砂岩今季聯賽主場對前鋒贏五比四，豐田陽平建兩功，大久保嘉人入得一粒，今次兩個又鬥過，玩大最好！
三箭鬥風林吼細盤

同日日職王者廣島三箭主場對下游分子甲府風林，三箭後上奪冠成功冧莊，現時士氣梗係好啦，不過，隊中王牌射手佐藤壽人季尾謝謝哋，罕有出現入球荒，今場主勝偏熱要小心。風林季尾練成死守神功，對上四戰都同對手互交白卷，十分守得，今場相信士哥唔多，細盤博得過。