維羅納勝在夠正氣

猪拉多纳

意甲近日又有假波醜聞，連大牌球星加度素都係涉案人士，呢個聯賽以往真係有唔少黑幕，所以查極都未查完。不過，隨住國際刑警關注環球假波問題，依家風聲好緊，已經冇乜人敢喺大型賽事或頂級聯賽搞搞震，大家唔使過分緊張。

講番今次重心推介，繼續跟進意甲正氣球隊維羅納，今輪佢哋喺主場對拉素，平手盤捧得過！維羅納升班後作風明刀明槍，主場出擊場場都砌到盡，呢班波本季主場戰績好理想，除咗之前爆冷不敵基爾禾，其餘賽事全部贏晒，水準穩定到不得了，若果多幾隊呢類正氣波，意甲點會冇人玩吖，一於再追多鋪維羅納！

（周日晚10時開賽）
森多讓得起帕爾馬

同日另一場意甲賽事森多利亞主場對帕爾馬，又係捧主隊！森多季初陷入低潮，但近期已經完成調整，開始重上升軌，大軍取得聯賽三連勝，對住同級對手打落明顯有優勢，今次面對帕爾馬又係坐和望贏格局，現時小讓平半都算合理，預期可以贏波贏盤。

（周日晚10時開賽）