牛精好友轉場郁手

猪拉多纳

　　聖誕節為西方國家的大節之一，由於現今馬圈大部分練馬師及騎師都是外國人，他們在這些日子通常都去了普天同慶。按理推算，周四晚跑馬地夜賽該是華人馬房的賽駒比較值得信任。偏偏昨朝晨課最勤力的，竟然是告東尼，雖說他是葡籍港人，但觀念應是靠向西方，難得他唔去玩，天未光就入場督操，點可以唔留意？

　　周四晚谷草夜賽，告東尼派九駒上陣，當中有四駒出爭第七場跑馬地錦標，根據過往經驗，這位生於十二月二十四日平安夜的練者，生日前後的賽日通常都有馬贏，上周六日賽，他已憑「萬事盛」贏馬賀壽，今次拆禮物日，隨時想拎埋個盃。

　　東四駒中，在下最睇好「牛精好友」，這匹馬今季五戰只得一亞，該役亞軍正是於谷草1200米取得，當時牠於C欄C+3彎跑道作賽，場地大利後上馬，但牠竟可克服場地偏差，放入一席亞軍，僅負於頭馬「美猴王」四分三馬位，而蹄下敗將「積多福」及「帝國勇將」再出都入三甲，足證實力強橫。

　　雖然「牛精好友」上仗轉戰田草1400米只得第五，但能於快步速及利後上場地下跟前輸唔遠，表現其實算唔錯，今次轉回此程，有力捧盃。

　　洋超