侯城鋒力強悍上盤致「富」

猪拉多纳

呢輪快車檔期英超戰事一浪接一浪，今晚仲有侯城主場惡鬥富咸！主隊今季重返頂級聯賽，到季中仍然守得住中游位置，上場雖然反輸畀曼聯，但亦都證明絕對唔係魚腩部隊，今晚對住跌入護級漩渦嘅富咸，1.69倍上盤絕對值捧。

（now624台周六晚11:00直播）

侯城上仗對曼聯開波冇耐就連省兩粒，雖然其中一球係烏龍球，兼且最後反輸2:3，但都證明只要佢哋有心去攻，火力唔差得去邊。
富咸近8場失20球

侯城大衞美拿同埋積基李華摩亞都係具質素嘅攻擊手，兩人都曾經喺利物浦身上取得進帳並贏波，絕對唔可以睇小o架。

客軍富咸今季戰績低迷，作客更加係慘不忍睹，家陣排喺降班位置嘅佢哋近10場作客居然只得1戰贏波，其中有7場輸波，都咪話唔大鑊！富咸嘅致命傷當然係後防唔夠穩啦，佢哋近8場聯賽已經勁失20球，防線形同虛設，今場作客侯城，想保不敗都有難度呀！