廣島三箭上「京」做細界

猪拉多纳

雖然國立競技場從地理上嚟講有利FC東京，但係佢哋今日喺日皇盃4強地頭出戰應屆日職王者廣島三箭，依然屬於比較被動嘅一隊，多數會守字行先，博1.75倍入球細正路啲。

（有線148及now711台周日下午2:00直播）
FC東京下風波拜神祈福

FC東京今季聯賽兩戰廣島勝負各一，表面睇勢均力敵，不過正前鋒平山相太坐波監，盧卡斯摺埋，就令佢哋少咗強攻本錢，要靠石川直宏、胡錫斯域呢啲中場殺手後上搵食，爭入決賽難度加大，後衞太田宏介賽前走咗去出雲大社參拜祈福，希望求神保佑，就睇得出佢哋班人都自知係下風波，肯定會踢得步步為營。

相反廣島後來居上蟬聯日職冠軍，成隊人士氣大振，中場森崎浩司尋日仲榮升第二任老竇，添咗個8磅幾嘅小千金，正式喜上加喜。事實上呢班波响國立出擊嘅勝率有42%，歷史上排名僅次浦和紅鑽同大阪櫻花，遠遠高過FC東京，尤其佢哋响盃賽3鬥東京取得2勝1和，瓣瓣都有着數，只係怕廣島90分鐘內砌唔低死守嘅對手啫，入球細自然抵玩過平手客勝。