惡客賓菲加強勢恰國民

猪拉多纳

今日足智彩繼續提供2場葡聯盃第3圈賽事畀大家止吓咳，當中比較矚目嘅，係D組國民隊主場迎戰賓菲加。考慮到賓菲加狀態較佳，往績又食住對手，即使作客讓半一，1.73倍上盤依然值得秤先。（開賽時間：周二凌晨4:45）

葡聯盃只有小組首名先可以出線4強，所以賓菲加想盡早建立領先優勢，今仗就要贏波。睇番呢支葡萄牙傳統勁旅，喺對上3屆首場小組賽都贏晒，就知佢哋唔會輕視呢隻盃。
洛迪高組合有料到

事實上，呢班波喺聖誕假前狀態極佳，連續8戰不敗之餘更取得作客4連勝，一對箭頭洛迪高利馬同洛迪高摩連奴更連接發炮，鋒力相當可靠。

相反，國民隊氣勢回落，歇冬前佢哋8戰僅1勝，贏嗰隊只係護級分子費利拿，狀態差成咁，真係好難捧得落手囉。
國民射手踢太公波

咁都未算，最慘係國民隊今仗仲有射手迪贊寧被佛得角群島國家隊徵召鬥加泰羅尼亞，後衞沙拿迪尼祖利亞又有傷，照咁睇嚟，國民隊應該都好難改寫近6次對賓菲加輸5場嘅羞家戰績咯。