十二門徒四班超級

猪拉多纳

　　禮多人不怪，阿棟在此預祝廣大讀者，今年搵到、剩到、身體好，遠離病痛，肥肥白白。做人有時好簡單，清茶淡飯都可以飽肚，最緊要係活得開心，成日苦口苦面，財神都唔敢過啦。　　

　　第五場四班1200米。「十二門徒」唔係轉到方，我未必會睇得起，因為在阿Paul馬房唔係冇搏過，除當日一出即勝，之後冇邊場跑得令我滿意，如果一場半場，仲可以話係狀態、外來因素影響，成年都贏唔到第2W，唔排除有內在毛病。轉倉1個月後復出，搞得妥的話，四班超到暈啦。

　　第六場四班1400米。「軍駒」今季部署手法與上季一樣，出親跑1400米，性能狹窄冇辦法，亦因為隻馬採用後上跑法，成日受場地及檔位影響，好在今次形勢應該夾得到，用番安國倫更加放心，係時候勝回一仗。

　　第九場三班1000米。「神舟十號」四班贏1場，三班再執1場，初出殺低「勇敢福星」及「太陽雄心」，已經夠堅，上次贏「佳音」，場對手唔算犀利，但佢自己贏到晨操咁款返，誇張到痺，坐住係一班馬，原班再跑邊有阻力。（陳華棟 資深評馬人）