殘兵入「城」做「細」界

猪拉多纳

今晚英超一哥阿仙奴會喺主場迎戰卡迪夫城，雖然卡城畀老闆陳志遠搞到一鑊粥，但「兵工廠」嚟到快車檔期狀態下滑，加埋唔少主力都受傷唔出得，今晚就算贏波都未必可以大勝，捧2.25倍入球細！

（now622台周三晚11:00直播）
阿仙奴4主力打柴

「兵工廠」雖然勉強守得住英超半程冠軍個位，但家陣危機已開始出現，除咗腳風最順嘅「死神」藍斯要抖成個月，創造力強嘅奧斯爾亦要喺1月中先可以傷愈復出，最慘賽前又傳出左閘基蘭基比斯同前鋒基奧特因輕傷倦勤，對阿仙奴嘅火力肯定構成極大打擊，事實上仗「小兵」面對紐卡素都只係僅入1粒，證明隊波開始出現疲態，就算普多斯基復出，都幫唔到幾多。

卡迪夫城近期一直受易帥風波困擾，老闆陳志遠嘅處事作風更顯得球會內部行政混亂，難怪卡城士氣低落，近9戰只係贏過1場咁大把，就算佐頓梅治腳風唔錯，但對住勁旅亦怕且會死守求和，想呢場波多「士哥」？難啲囉。