阿德回勇睇定尼食

猪拉多纳

新一年要有新開始，我妹頭當然都要去祈吓福。我一直以為喺香港只得一間天后廟位於銅鑼灣，原來全香港周圍都有唔少天后廟，有朋友重帶埋我去淺水灣嗰間添，真係大鄉里嘞！去到之後，仲發現有個寫住「波神」嘅娘娘像！到底係乜嘢來頭？真係唔知，但妹頭都有向「波神」娘娘祈求保祐所有東方讀者及球彩台觀眾今年波馬亨通。

早前以為前傑志教練甘巴爾喺澳職教幾個月就要返歸，但阿德萊德聯近況有好轉，保持3場不敗仲係零失球，若果保持呢個強勢，季後賽大門都仲會為佢哋而開。今日佢哋喺主場鄉親面前出戰，自然想全取3分而回，而迪捷特正正係佢哋攞分嘅重心！迪捷特前排受傷，令「阿聯」戰鬥力大減。佢在陣時，除咗可以自己搵食，連帶一班攻擊拍檔卡路斯卡、沙治奧施里奧、伊沙亞斯都會有更佳表現。雖然卡路斯卡今日要養傷唔出得，但法比奧費拉拿趕及復出，「阿德」仍然值得信任！

客軍FC悉尼雖然畀咗好多錢落隊波度，但今季成績始終無大改善，至少唔可以列入爭標組。上輪畀布里斯班獅吼大炒5比2，更加係當頭棒喝，後防線繼續不穩！再咁衰落去，教頭法連拿相信好快要搵過份工。
FC悉尼作客例腳軟

今季作客只贏過一次嘅FC悉尼，客場加埋只係入得兩球波，真係難睇。陣中次席射手祖爾捷安尼斯同後防懷奧因傷都唔會隨隊，至於迪比亞路真係不敵年紀喇，縱使佢上場幫到隊波，但體能下滑，最近幾場都只能短時間落場。客軍咁多不利條件，今日當然撐上盤啦！

（有線64及203台周五下午4時30分直播）
妹頭推介

阿德萊德聯 上盤