華拉度列細味貝迪斯

猪拉多纳

另一場西甲護級大戰，由排第17位嘅華拉度列主場鬥包尾大幡貝迪斯。華拉度列歇冬前嘅表現實在令人慘不忍睹，兩場賽事狂失七球，可見後防明顯出現問題。好在遇上歇冬期，令華拉度列可以抖吓氣重新部署，特別係後防線經過調整後，相信今仗會有不同的演出。

貝迪斯今季聯賽作客仍未「開齋」，而且最近兩場聯賽客戰落敗之餘更失九球，防線同樣令人難有信心，今仗作客出戰相信會先做好防務工作。而且貝迪斯近年作客華拉度列都少交收，對上六次交手只曾一次開出入球大，預期今仗入波唔會多，入球細不妨一試。

now 632直播

TVB13直播