見招拆招:吉祥三寶出頭在望

不死鸟

 胡森以往在港成績唔算標青，但今季突然由低位反彈，除因多匹旗下馬在過去兩、三季減分甚多之外，筆者估計亦可能與練者開始適應香港馬圈有關。

        雖然胡廐只係中下游馬房，但比華籍馬房都有優勝之處，就係每當用人之時，不時都見到胡廐馬可輕易搵到韋達、蘇銘倫等大師傅操刀，甚至蔡明紹都可以輕鬆借到。估唔到胡森身形具分量之餘，開聲搵騎師亦同樣分量十足，難怪今季搏起馬上嚟咁得心應手。

        今戰胡廐派五駒上陣，當中兩駒配冼毅力、兩駒配韋健仕，另一匹則配潘頓，全部都為外籍大師傅。先講列陣第六場四班二千米嘅「吉祥三寶」，呢匹馬近兩仗交由冼毅力執韁後先後跑獲第四及第二名，響四班擺明有多少着數，今仗繼續交由冼毅力操刀，如果表現再進一步，應可順利打開勝門。

      第十場三班千六米，「龍的傳說」在港兩度上陣，名次一仗比一仗近，上仗在狀態未足下都可以跑獲一席第五，似已試準走勢，今仗繼續交由韋健仕執韁，有力打破悶局。