近季東方摩玩晒 一月盃wer鐵角

猪拉多纳

　　今晚第五場本地三級賽一月盃1800米，係谷中少數嘅級際賽，短途又好，長途都好，一季冇幾多場，因此，好多路程專家，又或是田草唔係成日搵到食之流，都會吼住呢項錦標。

　　今屆出馬10件咁大把，頭尾磅剛好相差30分，即係有部分輕磅馬係蝕分嚟跑，咁又係咪代表高分馬會叻啲？如果係跑田草，呢項讓磅級際賽，好多時係爆冷溫床，有時亦係輕磅馬着數多少，可能負磅差距大，但谷中情況有啲唔同，尤其係呢項錦標，高分馬往往可以睇高一線，譬如近屆三甲嘅「軍事出擊」及「衝鋒槍」，都係高分馬一族。

　　另外，睇過近屆一月盃賽果，赫然發現來來去去得三個馬房玩晒，由11年至到上一屆，三甲馬全部來自告東尼、大摩及方嘉柏，服未！而呢屆佢3人又有派馬爭盃，賭Q點可以唔揀東摩方啲馬。

　　3位倉主出馬共4匹，計有「滿綵」、「勝哥兒」、「四季」及「同個世界」，4駒之中，有3匹分數高嘅可以秤先，之所以，買Q不妨wer鐵角，本少兼值博。（Jack）