羅斯仔缺陣費倫捱細界

猪拉多纳

意大利盃今晚展開16強賽事，費倫天拿主場對基爾禾。費倫流年不利，新年首仗即有基奧斯比羅斯受傷，需抖七周，頓失進攻重心。教練蒙迪拿一向忽視盃賽，預料會以副選出擊。基爾禾深受降班威脅，無力兼顧盃賽，費倫主W1.34倍太熱唔抵博，建議轉玩入球細。

（now 633及660周四凌晨4時直播）

基奧斯比羅斯上場聯賽被踢傷右膝舊患，球隊上下大為緊張，會長迪拉華利更鬧爆踢傷佢嘅連拿奧度。羅斯仔今季包辦費倫四成聯賽入球，冇佢在陣火力必大減。事實上，費倫今季對盃賽愛理不理，就算歐霸盃往往派副選，意大利盃更加唔會上心。
基爾禾專心護級好過

基爾禾今季大部分時間喺聯賽榜末掙扎，雖然去年11月連續搶分成功略見起色，但近期又打回原形，球隊亦無能力雙線作戰，可以進身16強只因之前對手係低組別球隊，今仗鬥費倫入波都難，咁情況下一於捧細盤。