「安」心捧美國先鋒

猪拉多纳

　　由於谷草賽道休戰三期，原以為前晚場地已養靚，所以縱想過會出現10月20日場地利追的情況，也不敢肯定。事關在跑道養得靚下，照計內會數點，可惜實地視察時已發現與想像的有出入，後來更有埋真實賽事驗證，更加確認外場地較好。眼見大部分騎師齊齊拉出外追趕，就知走內凶多吉少了。此事實在奇怪，既然養草已有一段日子，為甚麼草地跑道不如想像般四正？是氣候、灑水或是其他原因影響？實在唔知。

　　今番回到田戰，在經過早前的B+2、C及C+3欄三期賽事後，今次向內移欄用A跑道，相信內草地會較中外佳，再者，由於田草跑道上周不斷應付賽事，我覺得今次的場地偏差或會跟過往不太相同。昨早我親自入場觀察，縱使過往A跑道內馬有塞車風險，也不可輕視。

　　第三場五班1400米草地，「美國先鋒」跑了六戰已落第五班作賽，拿出過往指標，只要這匹年輕馬健康正常，質素不是太差劣，純粹跑年輕力壯已夠贏馬，再者，上仗郭能轉鞭論盡甩韁繩老貓燒鬚也衝得好，今次改配安國倫必揀。

　　第十場二班1400米，「華美之星」弗到爆燈，正常領放已可贏馬。(廖浩賢)