狼隊有飛到反彈有望

猪拉多纳

今晚英甲有場前列大戰值得大家留意，聯賽三哥狼隊主場迎戰第四位嘅普雷斯頓。論近況狼隊差到冇朋友，對上七場聯賽只贏過護級球隊克魯，相反普雷斯頓愈戰愈勇，連盃賽在內近16仗只曾不敵爭標分子賓福特，如果單計作客更加係九場不敗，配合埋普軍近五次作客狼隊取得兩勝兩和一敗較佳成績，客軍今仗有分落袋一啲都唔奇。不過今場唔單只馬會足智彩嘅主W賠率低開1.85倍，好多歐洲菠菜公司都將主W壓到1.9倍或以下，來自奧地利嘅Interwetten更低至1.8倍，對主隊贏波似乎充滿信心。

（周六晚11時開賽）