愛斯賓奴主場飄忽 皇馬三叉戟弗爆讓客筍

猪拉多纳

愛斯賓奴今晚喺西甲主場迎戰皇家馬德里，雖然愛斯賓奴10月中曾經喺主場打破馬體會不敗身，不過佢哋之後嘅演出就走晒樣，今晚對皇馬實在冇咩保證。相反，「銀河艦隊」經過歇冬小休後，踢咗三場波都可以淨勝對手，反映狀態保持得唔錯，有望趁機縮窄同榜首嘅差距，點會放過愛斯賓奴先？皇馬讓一球，一於捧1.72倍「讓球客勝」啦！

（now632台周一凌晨2:00直播）
「謝斯仔」成後備殺手

愛斯賓奴早排砌低馬體會後以為好威，點知之後喺自己地頭對住皇蘇、西維爾同馬拉加都贏唔到，證明「主場威力」極度飄忽，仲有呀，呢隊波歇完冬仍然未操番「弗」狀態，就算今晚有主場之利，都好難有好表現。

同愛斯賓奴啱啱相反，皇馬踏入2014年後三連勝，最令皇馬粉絲安慰嘅係，前鋒賓施馬連續兩仗取得「士哥」，C朗同復出嘅巴利亦有入波同助攻，「三叉戟」狀態咁好，唔怕冇波入。值得一提嘅係，皇馬「人氣王」謝斯洛迪古斯潛質優厚，今晚作客愛斯賓奴，隨時後備上陣又有進帳。