AC反底「讓主」唔怕熱

猪拉多纳

傳施多夫聽日坐正嚇醒班人

如果話畀你知聽日有個新老頂嚟揸旗，你手裏面仲有啲嘢未搞好，你會唔會繼續Hea呢？打工仔實打醒精神嘅。AC米蘭今晚喺意大利盃16強主場對住史柏斯亞，就係咁嘅處境，AC讓一球，所以個1.49倍「讓球主勝」應該開得出！

（now633及660台周四凌晨1:00直播）

今季衰到差唔多貼地嘅AC，响意甲排到第11位，主帥阿里基前晚畀人炒咗，可以話係意料中事。究竟邊個接呢個燙手山芋呢？前晚早就有消息話係施多夫，原因係呢個「紅黑兵團」舊將雖則响巴西仲未正式領到個教練牌，不過佢响保地花高做球員兼教頭，做得有聲有色，AC大老細貝魯斯干尼又不嬲Like佢，比起太子女芭芭拉鍾意嘅恩沙基，後台硬淨好多。
合約有條款隨時可離巴甲

事實施多夫本身早就準備好返米蘭打躉，因為佢同保地花高份合同訂明，只要佢想就可以離開巴甲，所以剩番6個月合同期，根本對佢全無影響。意大利傳媒一直傳緊施多夫最快星期四就到米蘭，仲可能馬上主持操練，响阿積士做緊助教嘅前荷蘭國腳史譚以至基斯普，都會應邀加入AC教練團咁話。

上層咁大變動，AC班人唔通仲敢揸流攤咩，事關每次轉教練，有邊隊唔清瘀血o架，博炒咪繼續Hea囉，何況意盃冠軍係佢哋下季進軍歐洲賽唯一途徑。正因為咁AC嘅戰意唔使懷疑，何況對手史柏斯亞响意乙都只係排中游，對住同級對手，作客平均失球都有1.4球咁多，點頂「紅黑兵團」呀？