紅軍半場炒起維拉

猪拉多纳

「SSS」組合開波即喪攻

利物浦「阿蘇+史獨」呢對「SAS」組合簡直係無敵鋒線，加上領隊羅渣士作風進取，仲有第3條「S」進攻中場史達寧（Sterling）開埋竅，預料今場會繼續由「SSS」合作喪攻維拉，科娜都唔怕進取一啲，捧半場大﹗

（now 621 周日凌晨1時30分直播)
史達寧開竅 再增火力

紅軍今季幾好景，除咗成績大躍進外，近期更頻頻同公司進行商業合作，繼早前同印度手機企業合作後，日前又同美國冬甩連鎖店成為合作夥伴，今次合作令到好多人都諗起曼聯門將迪基亞早排畀人捉到偷冬甩，咁如果下次迪基亞想食冬甩，可以去幫襯紅軍，唔使再去偷食啦！

紅軍仲有一個大好消息，就係史杜列治傷愈復出，上場「史獨」同阿蘇兩個人齊齊合作玩殘史篤城防線，「SAS」已經勁到令人聞風喪膽，但如果加埋翼鋒史達寧組成「SSS」組合就真係無人能敵嘞！只得19歲嘅史達寧近期愈踢愈好，冇晒之前踢波唔用腦嘅毛病，成隻老鼠仔咁鑽嚟鑽去，上場轉捩點都係靠佢逼到對方犯12碼。阿蘇已經弗到唔使多講，「史獨」更加係猛虎出柙，再加埋史達寧，試問防守唔係特別勁嘅維拉守得邊個先？維拉近5仗作客有4場都要兩球，今場好大機會喺上半場就被KO﹗
老細入場 踢得更進取

紅軍領隊羅渣士係有料之人，佢喺接手球隊後就話要將晏菲路變成客隊嘅地獄，佢果然冇食言，紅軍今季主場戰績僅次於曼城同車仔，且踢法進取，成日一開波就壓住對手嚟攻，趁人哋未企穩就已經取得入球，今場仲要有老細約翰亨利入場睇波，一班球員梗係喺老細面前做番齣好戲，半場大捧得過﹗