卡城撼黐線曼城大無畏

猪拉多纳

未畀波前先同大家講聲Sorry，上周大力推介卡迪夫城上盤，點知主場輸兩粒畀韋斯咸，小弟擂台5,000分泡湯，足智彩戶口亦唔見咗一筆，不過，其實卡城上仗踢得唔差，末段仲住韋斯咸嚟砌，中前場有啲睇頭，今日佢哋作客曼城，老實講要贏波真係唔易，但入番粒攞個安慰獎應該唔難，配合曼城超強火力，今場玩大啱數。

曼城嘅火力只可以用「黐線」嚟形容，前鋒個個上晒力，尼格度、迪斯高入波未停過，仲有阿根廷前鋒阿古路周中亦喺英格蘭足總盃復出幫手數胡，今季各項賽事已經累積入咗99粒，哎，仲講漏咗中場嘅耶耶托尼同大衞施華，曼城真係周圍都係炮台，隨時可以發炮，今場幾可肯定可以破百球大關。
生牯仔伊克林有卡士

曼城球場勁，喺曼聯出身嘅卡迪夫城領隊蘇斯克查點會唔知，今場不論為卡城，抑或幫曼聯都好，梗係要搶分啦，但真係有啲螳臂擋車，不過蘇B喺莫迪簽番嚟嘅伊克林確係有啲卡士，呢類生牯仔最鍾意喺名牌面前表演自己，今仗隨時有驚喜表演，幫卡城入番一粒，足智彩調高大細中位數到3.5球後，個大盤賠率都唔夠2倍，就知操盤手都睇好今場開大，千祈唔好等開波前先買，賠率會更低，早買早着數呀！

now 622直播