皇馬打殘貝迪斯

猪拉多纳

金球C朗信心爆棚

西甲今晚又有得睇「金球先生」表演，C朗會帶領皇家馬德里作客榜尾貝迪斯，兩隊實力本來已經差幾班，C朗捧埋金球獎後更信心爆棚，今仗有力數番幾球。貝迪斯今季分心歐霸盃搞到聯賽一鑊粥，今晚隨時渣都無得剩，1.65倍「讓球客勝」無甩拖。

（now632台周六晚11:00直播）
榜尾貝迪斯3個月不勝

貝迪斯雖然喺歐霸盃分組賽出線，不過聯賽踢完首循環只得11分，仲要少尾二嘅華歷簡奴5分咁多，護級形勢極為險峻，成隊波除佐治摩連拿外冇人識入波，佢一個佔咗貝迪斯差唔多一半嘅聯賽入球。進攻無力亦令貝迪斯喺聯賽超過3個月未贏過波，內部士氣肯定非常低落，今晚對住皇馬只望輸少當贏。

皇馬上周對愛斯賓奴，C朗表現患得患失，似係被之後嘅金球獎頒獎禮影響。不過依家大獎已經到手，周中西班牙盃即射入勁爆罰球，可預期信心十足嘅佢將更上一層樓。唔好忘記皇馬新一年踢5場全部零失球，今晚大有機會淨勝貝迪斯，皇馬贏4:0同3:0嘅波膽可以一試。