西布朗新帥嗒糖立威

猪拉多纳

上任即遇「安歷卡事件」有危就有機

西布朗新帥梅爾領軍第一擊要喺英超主場惡戰愛華頓，決心打響頭炮，佢一上任就面對射手安歷卡納粹慶祝手勢爭議，若然處理得好，絕對可以轉危為機提升民望。「拖肥糖」缺少今季弗到爆嘅中場新星巴克里，作客讓波牙煙，博讓球主勝！

（now 621周二凌晨4時直播）

安歷卡納粹慶祝手勢事件近期成為英倫熱話，各方要求英格蘭足總嚴懲，消息指足總初步計劃罰佢停賽五場，連贊助商都施壓要西布朗棄用呢位法國射手，氣氛都幾緊張。梅爾一嚟到就要解決呢鑊麻煩嘢，領隊教波難，但處理危機應變力其實更考工夫，稍一不慎會嚴重打擊士氣。梅爾新官上任，唔可以得失班兵，相信都要撐安歷卡，藉此贏得更衣室上下信任，當然，最緊要係掌握球會幕後人心態，如能擺平呢次危機，肯定加晒分啦！
愛華頓冇巴克里難作惡

西布朗喺一月轉會窗剛放走箭頭沙恩朗，前線可用兵源唔多，順理成章重用經驗豐富嘅安歷卡，而由於前愛華頓前鋒安尼捷比受傷患困擾，新星比拉希奴勢將獲得重用。至於愛華頓新兵艾登麥基迪今戰有機會首度登場，呢隻快翼突破能力甚強，有力提升球隊側擊力，但中場重心巴克里仍未好番，肯定無法披甲，將會大大削弱球隊組織力，要作客贏波唔易，讓波絕對信唔過！