世界漫遊:千杯不醉轉倉搏殺

不死鸟

「迪諾醫生」三月遠征杜拜司馬經典賽受傷退役，馬主Javier Martinez Salmean決定安排佢留番響祖家法國轉任種馬。馬主將配種權分為五十份，自已保留二十份，其餘公開發售，每個配種權定價為一萬二千歐元。

        位於法國Sarthe?Haras du Mesnil將成為「迪諾醫生」新居，到時會同另一匹前香港瓶盟主「嘉比奧」做鄰居。由於已錯過配種季節，所以要下年先推出市場掛牌，首季配種費定為每宗三千歐元。

       至於曾響○七年香港瓶跟「迪諾醫生」同場較量嘅「爆炸」，剛戰女皇盃成為同主廐侶開路先鋒，今次回配主帥匆匆再出爭皇太后盃，有權擔正做番次主角。第十場三班千六米，「千杯不醉」來港後陣上一再跑近，奈何鞍上人發揮麻麻，多次同頭馬擦身而過，今仗轉伍廐初出兼換上騎功有保證嘅柏寶，有力一出即省靚馬房招牌。
　　尾場「朝東之寶」一再後追不及，今趟初戴眼罩可起正面幫助，有力與前駒包辦第十口孖寶。