費倫大勇打殘錫耶納

猪拉多纳

意大利盃嚟到8強，意乙代表只係剩番錫耶納一隊。雖然佢哋上場成功作客淘汰意甲卡坦尼亞晉級，不過今仗想重溫舊夢就難啲喇。因為錫耶納將要作客費倫天拿，「紫百合」唔單止人腳佔優，而且近況大勇，錫耶納偷雞機會渺茫，1.76倍「讓球主勝」唔好錯過。

（now633、660台周五凌晨4:00直播）

或者大家見到錫耶納上仗作客大炒卡坦尼亞4:1晉級，就以為佢哋猛料，實情係對手比賽尾段落後1:2，心急追平大舉進攻先畀錫耶納喺補時連入2球湊成大捷。佢哋今場作客連續6仗不失嘅「紫百合」，仲點惡得出樣，唔好忘記佢哋上季先喺法蘭基球場大敗1:4，假如今仗心雄搶攻，相信只會輸得更快。
紫百合近7戰6勝

費倫天拿走勢凌厲，近7戰贏咗6場。佢哋今個月分別借入前鋒馬特尼同中場路爾斯安達臣，擺明唔止想爭下屆歐聯資格，仲想喺意盃有一番作為，難得抽中好籤鬥弱隊錫耶納，梗係要省靚招牌大勝入4強。前鋒馬特尼、中場岩布仙尼唔踢得，預料喺上一圈建功嘅鋒將列比錫、祖亞昆會擔正，加上組織力強嘅中場阿古蘭尼復出，火力唔成問題，有望將主場連勝紀錄增加至7場。
賽制

法國足總盃、意大利盃、U22亞洲盃

法國足總盃為32強，意大利盃為8強，U22亞洲盃為４強。賽事法定時間內打和將加時30分鐘，未分勝負則互射12碼決勝。

西班牙盃

採主客兩回合制，現為8強首回合。兩回合計打和，計算作客入球優惠，未分勝負將於次回合法定時間後加時30分鐘，加時階段仍計作客入球優惠，再和則以互射12碼決勝。

巴西聖保羅省聯賽

以小組形式進行，20支球隊分4組，每組5隊。小組中球隊不會對壘，每支球隊將與其餘3組的球隊（共15隊）進行15場比賽，完成後每組首名及次名共8隊進身下一圈。