偉寶之星收復失地

猪拉多纳

　　近期莫雷拉氣勢沒法擋，剛啱谷戰又食大四喜，贏馬好似食菜咁食，今日都要吼實佢啲坐騎。最啱心水係第二場「偉寶之星」，今季跑五場取得一冠兩亞一殿，演出好準，上場輸畀一早走甩咗嘅「齊飛」跑第三，今次兩駒又再同場，我有信心佢可以反先收復失地。

　　另外，第四場我鍾意潘頓坐騎「點解」，上場初跑1400米都可以上名，質素絕對唔簡單，有過路程經驗之後，再跑此程估計會有更進一步嘅演出。