諾域治餓分受讓值博

猪拉多纳

今日係年廿八，肥叔喺度先同各位讀者拜個早年，祝大家事事順利，新年齊齊贏大錢！英超於本周中開快車，名牌球隊曼聯同車路士夾手夾腳整咗單重量級轉會，兩隊本季已非直接競爭對手，車仔有好價放人好正路，呢單轉會絕對係一家便宜兩家着。不過，「紅魔鬼」今輪對卡迪夫城讓得稍多，玩入球大較佳。

講番今次重心推介，諾域治主場對紐卡素，撐主隊！兩隊排名只差四位，但查實分數差距已經超過十分，諾域治同榜尾球隊唔係差好多分，絕對唔可以放鬆，特別係主場對住非頂級球隊必須搏命。「喜鵲」客場唔係特別強，呢場係「金絲雀」搶分良機，受讓平半博下盤！

（now 625周三凌晨3時45分直播）
伯明翰缺水主場照反

同日英冠一哥李斯特城作客伯明翰，客軍家陣如日方中，身處英冠有多少超班感，相信大有機會殺上英超，趁住勢頭好一定贏盡。伯明翰嚴重缺水，現時班底只係英冠三線，欠缺上升空間，就算主場出擊都係唔夠打，呢場有得受讓半球，反映操盤手睇淡佢哋搶手機會，一於捧上盤！

（周三凌晨3時45分開賽）