見招拆招共歡笑試準出擊

不死鸟

近期賽事編排頻密，已開始有報名馬不足嘅情況出現，而部分近績較佳之馬，編在弱組時便變得突出，站在賭馬立場，呢類馬賠率雖然偏熱，但仍有捧場價值。

        第五場四班一千米，「天生我財」上季初出跑谷草一千米排大外檔起步，全程走外叠下大敗而回，但經過暑期成長，今季一出即在田草一千米取勝。該役賽事水準不算太高，此駒能夠以短頭位險勝相當好彩，勝後因右前足籽骨炎，要抖足半年才在上仗復出，結果在田草一千米途中甩蹄鐵亦跑第二，僅輸給頭馬半馬位，表現令人驚喜。今仗「天生我財」回配贏馬拍檔徐君禮，雖然負磅驟增十二磅，但同場對手實力平平，此駒絕對有鶴立雞群之感，如無意外可以補中。

         第六場四班泥地一哩，「共歡笑」雖然係上季自購馬，但到今季才上陣，在港首兩戰跑草地賽名次較後，但前仗卻在三班泥地一哩跑獲第六名，已仄準場地性能。今仗再回爭泥地一哩，賽前試大閘刻意磨練後勁，應該有望出頭。