車仔扑「錘」開「主勝」

猪拉多纳

史丹福橋威力勁

車路士主場贏到開巷，韋斯咸失波失到心慌，今晚兩軍會師史丹福橋，唔使諗咁多，扑錘熱捧1.5倍「讓球主勝」。

（now622台周四凌晨3:45直播）
韋斯咸4場作客勁失16球

車仔日前出戰足總盃，教頭莫連奴早有準備，收起中堅泰利、門將施治等主將，拉美利斯同韋利安亦不過後備落場鬆吓筋骨，今場唔使擔心佢哋體力輸蝕。計埋英超同足總盃，「藍戰士」打出7連勝強勢，今季喺史丹福橋亦贏到開巷，撇除被「和波王」西布朗逼和，其餘10場贏晒，雖然「讓球勝」同「讓球和」為四六比，不過今場有埋韋斯咸「幫手」，「讓主」可謂手到拿來。

皆因喺護級漩渦苦苦掙扎嘅韋斯咸，近7場聯賽作客淨係贏過包艇嘅卡迪夫城，另外6場輸夠5場。問題癥結在於佢哋「不設防」，近4戰主場每場失3球不特止，擊敗卡城前4場作客夾埋更勁失16球。「錘仔」賽前雖然借得羅馬箭頭波里路同AC中場洛斯連奴，可惜缺乏時間磨合，相信難有作為。反而守將雲斯頓列特同迪美繼續養傷，防線演出預期會保持一貫「水準」，絕對係車仔開「讓主」嘅好幫手！