幸運勝利換人「萊」料

猪拉多纳

　　第九場的三班1800米屬勢均力敵之局，亦是一組水平較高的組別。「爪皇豪火」上仗落到三班即刻唔同晒，今次換上更硬淨及合作過的安國倫，慶幸上次跑第三也不加分，誓拼盡無保留；「皇者拍檔」上仗贏唔到唔出奇，事關方廐少有馬打叠贏，但增程上1800米又未必如1650米般爆得勁；「赤龍駒」初跑谷草排十檔兼用杜利萊，未必蝕得起；「魅力小子」休息日子多了反而跌磅，有疑點；「友誼大使」重戴眼罩，行番正路見真章；「雄心巨龍」口勁未順滑；「黃金宅男」連仗配莫雷拉死磅多亦跑得好，升班未驚過；「凱倫之寶」情況相若，但慎防臨場情緒過急；「福爾摩斯」細馬要拉出大外叠追才好，要睇場地偏差，但一向唔易贏；「威駿寶」上仗升班試水溫，不過1800米能力不明，亦未證明到三班能力；最後揀了「幸運勝利」，此駒一而再搏殺失手，但明眼人也看出是甚麼一回事，走規欠順，嚴重內閃，總是未能順利去跑，上仗加面箍似乎稍有成效，乃季內輸得最近一次，今換上杜滿萊，結合唞足個多月火力優勢，體力應該充足，是否超班貨色？今次可以睇晒。