褪色榜首戰獻細

猪拉多纳

流浪者態沉 獅吼唔使急

澳職上演褪色榜首戰，西悉尼流浪者主場對布里斯班獅吼，次席流浪者已落後榜首獅吼7分，兼踢多1場，想後上奪取常規賽冠軍，機會甚微。最大問題係流浪者多位主將有意離隊，士氣受打擊，想贏亦有心無力。獅吼今仗唔輸已經有着數，唔需要急於搶攻，投X首選入球細。

（有線64及203台周五下午4時30分直播）
離隊潮困擾流浪者

流浪者居第2位，但整體成績比上季大為退步，近4仗贏得1場。近期醞釀離隊潮，日本球星小野伸二已表明想走，亦不時傳出中場靴斯、艾朗穆爾、後衞史柏拉洛域嘅轉會消息，難免影響軍心，上仗補時被下游球隊紐卡素噴射機逼和更反映鬥志不足。以流浪者近期弱勢，今仗遇上榜首獅吼，唔好話要贏，連要入波都有難度。

獅吼積分領先優勢明顯，只要唔犯大錯，或者突然失準，應該可以帶到終點。因此，今場鬥流浪者，應會採取穩健戰術，以不敗為目標，即使攞1分已經足夠，最緊要唔好畀對方拉近距離。雖然獅吼攻力不俗，但過去兩次作客流浪者，都未能取得入球，恐怕勝算唔高，捧入球細最穩陣。