聖伊天平手盤有利可圖

猪拉多纳

今晚法甲有一場獨腳戲，圖盧茲主場對聖伊天，圖盧茲近況唔係好掂，主場成績就更衰，都係捧實力較高嘅聖伊天好過，阿king今場平手盤要客軍。

（TVB 301周六凌晨3時30分直播）
圖盧茲主場冇威力

季初狀態不俗嘅圖盧茲中場賓耶達上場終於重拾射門鞋，作客馬賽有1球進帳，打破近兩個月嘅入球荒，但要知道足球就最講團體性，一個人勁唔代表隊波成績會勁，圖盧茲近三仗非和則負，可見球員狀態唔弗，今仗喺主場出戰更係一啲甜頭都冇，皆因呢班波連地頭蟲都不如，近六仗主場僅得一勝。相反聖伊天實力秤先，喺一月轉會窗被賣咗去車路士嘅年輕中堅葛特蘇馬仲未離隊，畀車仔借番去踢埋下半季，球隊實力未有嚴重削弱，平手盤捧聖伊天﹗
格拉斯哥流浪大勝可期

另外，西甲亦有一場獨腳戲，愛斯賓奴主場迎戰CF格蘭納達，CF格蘭納達近七仗只得一勝，當中五場更係輸埋，今仗揀主勝啱數。最後推介一場蘇格蘭足總盃，格拉斯哥流浪主場對鄧弗姆林，流浪喺次級聯賽簡直超晒班，入波當食生菜，作客對住鄧弗姆林試過大炒對手4比0，大盤可取。