帕爾馬主場正氣繼續追

猪拉多纳

英超名牌曼聯冬季引入桑馬達，再次被調高評級，今次主場對富咸足足要讓兩球，個盤都幾誇張。呢班波前面班球員係有級數，但踢落其實唔多對辦，特別係後防唔穩陣，今季主場冇乜邊場打得好，依家讓得多真係要特別小心，唔好因為名牌效應盲目追捧，肥叔認為呢場上盤買唔過。
卡坦尼亞走樣救唔番

講返今次重心推介，帕爾馬主場對卡坦尼亞，捧主隊！以往肥叔不嬲都好鍾意卡坦尼亞，呢班波主場例必打真軍，而且評級偏低，所以經常有筍盤，係唔少人心目中嘅銀行隊。不過，卡坦尼亞今季踢落走晒樣，家陣位列榜尾冇晒信心，作客仲要曳到不得了，睇個款都係難救。帕爾馬近期主場好正氣，順開不妨再追！

（周日晚10時開賽）

另一場意甲森多利亞主場對卡利亞里，森多上場打吡戰賽前飛數超硬淨，結果飛到波都贏埋，跟風客一定執唔少。卡利亞里實力有限，都係要揀波踢，呢隊波客場戰鬥力好弱，基本上作客都採半放棄態度，專心留番主場先搏！森多今場有坐和望贏之力，小讓平半用半個博一個，要上盤！

（周日晚10時開賽）