晴空萬里換人票勁

猪拉多纳

　　今晚八場賽事喺跑馬地馬場舉行，跑道係B欄C彎。莫雷拉人紅，啲坐騎惹飛其實好正常，噚日睇飛，八場大熱門竟然有五場關佢事，而當中第三場嘅「珍珠有利」曾得1.9倍，照道理，雷神好大機會連番數胡。

　　另外，周某噚日發現兩匹馬隔晚飛數特別勁，佢哋分別係第四場嘅「靚橙」同第七場嘅「晴空萬里」（見表）。兩駒中，我又比較鍾意後駒。講到「晴空萬里」，今季三戰田草無功而還，上仗閘前賠率更有26倍，輸係意料中事，但難得嘅係，佢輸九個多馬位，今次轉番嚟谷草都有捧場客信，隔晚仲賣到得5.2倍。出現呢個情況，或多或少係同換人有關，話說呢匹馬今季三仗都由華將騎，呢鋪轉嚟谷草突然換田泰安，又有咁重隔晚飛，可能真係有計，值得留意。騎師王方面，當然係捧1.85倍嘅莫雷拉。周仲