回鄉更好補出有計

猪拉多纳

　　手風順不順，真不到你不信邪，葉楚航在八次賽事食白果後，終在上周末打破悶局，憑「育成群駒」及「電訊太子」起孖而回。前駒捧走鄉議局盃，勝來也頗為神奇，事關悉數騎師意識到外叠場地較好，所以匹匹也在外叠跑，剩下放頭的「星運俊爵」及「育成群駒」仍守在中內叠，最終後駒壓倒亞軍馬「你知我心」贏番一場；至於「電訊太子」上仗五升四一樣氣走「天笑」，替葉楚航起孖。葉楚航一係唔贏，一贏就捧盃兼起孖，乘着手風回順，相信餘下賽事又可重新留意。

　　昨文本來介紹了第二場「龍華太旨」，條件限制賽有雷神莫雷拉壓陣，又有落草地搏殺工序，所以率先揀選。不過，昨日同場有匹「駿多贏」退出，由葉廐「回鄉更好」補上，令整場賽事形勢轉變了，再者在預計沒有步速下，「回鄉更好」補出排五檔，相信跑法定可較上兩仗排劣檔時主動，實在此駒並非鬥爆一段之馬，只可惜近戰因排檔差，才被迫縮後來跑罷了。此外，今次賽事的單跳工夫，鮮見上周兩課能以正腳完成，相對一向不肯轉正腳的此駒來說，我信是好現象，博W搭「龍華太旨」單Q，諗得過。馬會賽事 首席評述員 廖浩賢

　　氣勢如虹試閘郁手

　　苗廐馬今次操練程序有變，很多馬於上周跳完便無再跳，究竟咩葫蘆賣咩藥？只能到實戰看過頭一兩駒才作取捨；姚廐「氣勢如虹」今季縱使季初上陣前亦無試閘，這次突有此動作要留神，而「永神駒」贏完再做大閘亦屬姚廐少有工序，可留意。