利物浦開富吼半場大

猪拉多纳

「若要生活好，咪買利物浦」呢句賭界「至理名言」好似逐漸失效，今季利物浦好多波應贏則贏，冇晒過往嘅「海鮮味」，不過再深入啲去觀察，其實紅軍仲未完全辟走「腥除」，有啲波都幾蠱惑，不過球隊今季有一樣嘢並唔「海鮮」，就係攻力超強，今場作客對住榜尾嘅富咸有力開出半場大。

（now 622周四凌晨4時直播）
倫敦地鐵工會取消罷工

由於受到倫敦地鐵職員罷工一事影響，富咸今場開賽前曾表示擔心到時會出現工作人員不足，未能招呼球迷同保障球迷安全，所以考慮將賽事延期。不過，倫敦地鐵工會在周二已與倫敦運輸部門達成協議，取消罷工行動，令賽事可以如期舉行。

講番富咸場波，好多人都會覺得上場大炒阿仙奴嘅利物浦今場對住榜尾富咸Sure Win，但科娜就唔敢咁老定，皆因紅軍仲有些少「海鮮味」，今季有幾場對住實力較弱嘅球隊喺畀人極之睇好嘅情況下失分，反而喺畀人睇淡嘅時候就瘋狂大勝，所以科娜寧願捧半場大，紅軍今季最穩定嘅嘢莫過於攻力，SAS以外仲有史達寧同史卡迪爾組成4S組合，而且紅軍近三次對住富咸半場全開入球大，2.1倍嘅半場大真係博得過。