愛華頓細孤力弱

猪拉多纳

小魔獸打柴難破水晶宮

英超周中開快車，今季帶畀球迷無數驚喜嘅愛華頓，會喺主場鬥水晶宮。原本「拖肥糖」今季演出甚佳，更有望爭入前四，偏偏嘅關鍵時刻冇咗「小魔獸」盧卡古，攻擊力嚴重削弱，另邊廂嘅水晶宮踢法又偏向保守，阿King認為今場入球唔會多，細盤值得捧場。

（now 624周四凌晨3時45分直播）

愛華頓今季喺新帥馬天尼斯領軍下，踢法變得悅目，火力比起莫耶斯帶隊嗰陣強得多，成績更係大躍進，為爭入前四同利物浦、熱刺鬥得燦爛。不過就喺對紅軍同熱刺嘅兩場關鍵波，「拖肥糖」冇咗首席射手盧卡古，結果兩戰皆北兼冇波入，盧卡古缺陣嘅影響喺作客熱刺一仗尤其明顯，冇咗把握力強嘅「小魔獸」，其他攻擊手如米拿拉斯、巴克里等嘅射門均未能一針見血，反而畀敵方嘅艾迪巴約一球KO，今場對住擺出鐵桶陣嘅水晶宮好難攻得入，細盤有望。

至於同晚英超有場「雙史」大戰，史篤城主場迎戰史雲斯，雖然客隊看守領隊蒙克上仗首度領軍即大勝，但「天鵝」作客表現唔掂，而且對上兩次作客史篤城都輸波而回，平手盤要主隊。
「雙史」大戰反天鵝

另外，荷甲獨腳戲格羅寧根主場對川迪，格羅寧根聯賽慘逢3連敗，又有守將基夫安比特停賽，實力受削，川迪上盤值捧。