賓福特要升呢客戰爆錫

猪拉多纳

今晚焦點肯定係英超阿仙奴對曼聯，呢類大戰臨場變數多，往往好睇唔好賭。肥叔推介英甲錫菲聯主場對賓福特，事關賓福特老闆係肥叔嘅世姪，大家不時有往來，佢講明今季點都要升班，球隊表現亦相當好，暫時位居榜首，今場作客小讓下游錫菲聯平半，必捧上盤。

（周四凌晨3時45分開賽）

呢位世姪同肥叔係行家，大家好多時會一齊傾生意，佢係一位叻人，做事有幹勁，所以事業方面非常成功。賓福特喺佢領導下，成績愈來愈好，上季因為踢附加賽輸波，未能升上英冠。今季捲土重來，氣勢更旺盛，近18場聯賽錄得15勝3和佳績，力爭以冠軍身份直接升班。由於前3位球隊爭逐激烈，賓福特直接升班席位未穩，遇上弱隊錫菲聯冇理由失拖。

錫菲聯亦要搶分護級，但礙於質素，難有作為，首循環1比3不敵賓福特，就算今仗有主場之利，恐怕幫助都唔大。
曼城谷氣 黑貓「大」鑊

另外，英超豪門曼城雖然連續兩場食白果，但呢班波始終高質素，進攻猛將如雲，谷埋一肚氣，主場對「黑貓」新特蘭，係時候大爆發，捧大盤。德國盃賀芬咸識攻、唔識守，主場對禾夫斯堡，大盤都係好選擇。