車路士一定要「寸」

猪拉多纳

足總盃又嚟喇，16強大戰曼城再對車路士，次循環聯賽車仔領隊莫連奴排出一個防反陣，攻守兼備，如果唔係三次中門柱點只贏1比0。曼城今場當然想報仇啦，但有冇咁易先。
曼城冇阿古路跌晒Watt

首先輸畀車路士後，曼城直頭好似失咗常咁，連對諾域治都入唔到波，季中嗰種遇神殺神既勇態，隨住阿古路傷出一齊消失。尼格度帶傷上陣愈踢愈沉，難怪主帥比歷連尼成日話想簽前鋒。加上原來比帥對住莫連奴冇啖好食，「寸王」差不多一見到比帥就會雙眼發光。唔計球隊近況只計領隊功力嘅話，車路士都係Sure Win。

車路士近嚟球員上晒力，莫連奴不停話自己球隊未拎得冠軍住，無非為球隊減壓，但有報道指係車路士內部都深信今年有冠軍落袋。當有一班充滿信心嘅球員，加上一個戰術出色嘅領隊，真係想輸都難。若想打敗呢架咁強嘅裝甲車，最好就有三架中場發電機，四部入球機器，咁再加埋一個不銹鋼龍門，同用四道銅牆包住先有機會。曼城係就係無限金錢，不過今季轉會窗完咗喇，等吓下年啦。

今場我就撐車仔，畀完貼士，再送多個着數畀大家，now 621台依家會免費任睇一個月（智能手機及平板電腦均可），登記link係free621.nowtv.now.com，英超同足總盃多場精彩直播，大家唔好咁lulu，咁正嘅優惠千萬唔好錯過呀。

（now 621周日凌晨1時15分直播）