大有利升勢未止

不死鸟

賽事部為?五一勞動節夾硬編排賽事，一心想國內同胞入場觀戰投注，事前打鑼打鼓宣傳為慶祝5.1勞動節，只要出示護照或有效旅遊証件?遊客，不論入沙田馬場或跑馬地馬場公眾席，均免費入場兼有禮品及優惠券送贈，可惜如意算盤打唔響，筆者當日亦有入沙田馬場，眼見場內?國內同胞或遊客並不多，而馬會公布該日入場人數接近二萬七千人，（沙田同快活谷兩地夾埋），投注額亦都係得九億四千萬多?，同平時差不多。事實上鍾意賭馬的國內同胞，唔使等五一勞動節來香港入馬場賭馬，現時自由行咁方便，幾時來港都得，而呢些等五一勞動節假期來港?同胞，大多係打工一族，難得有假期來港，當然係想觀光遊玩兼購物啦！點會入馬場賭馬咁笨呢？
第六場第四班1650米（泥地）。葉楚航馬房的「開心福星」至今八戰泥地取得三亞一季一殿成績，雖未有頭馬交出，但亦顯見牠泥地性能不弱，反之九戰草地賽事全數落第三甲不入，由此可見此駒泥地性能比較好。上場縮程跑1200米，臨場易配杜利萊閘前票如雨下，最終路短關係，力拚只能得第二，由此反映幕後心急求勝。而此駒經過連場實戰下，狀態攀升甚佳，今次再跑回有根據田泥1650米，再用回人馬合拍鄭雨滇操刀，今組對手似是而非，把握良機有力贏馬打開勝門。
第十場三班1400米（草地）。「大有利」近六戰取得三冠一亞兩季全入前三名，近績彪炳係全組馬之冠，三歲仔能有如斯出色表現，除早熟之外，其實力高強表露無遺，如日方中佳駟，乘�魵鈩輳妱牛�今次再跑回強項1400米，值得捧場。「大有利」上場爭田草1400米屈居第二雖敗猶榮，因排不利十四檔，鄭雨滇為免蝕位太多，出閘力騎搶放無跑錯，亦此因素早段耗力過多，引致末段欠點勁度，以短頭不敵「永勝多」屬高水準之作，而拚後小休邊?邊操，馬匹在正常操練及埋門試大閘兼拍跳下，勇態攀升甚佳，今次再跑回首本1400米，檔位內移九檔，形勢有利下，可期贏馬補中收復前失。