得天獨厚夾貝湯美

猪拉多纳

　　今次賽事提供第五口及第九口孖寶。第五場三班1200米，「得天獨厚」上場改由貝湯美執韁，即以兵不血刃姿態擊敗今次又同場的「輕彈錢笑」取得在港首W，今仗適逢貝湯美客串一日可再騎，如無意外應可再下一城。同場最看不透的對手應是初出馬「金龍華」，已試了四課大閘，而走勢一課比一課好，擺明唔好唔上陣，用得潘頓點會係熱身，加上「龍華」系贏隻「龍華太旨」轉運，有分頭亦要兼顧。

　　尾關第六場三班1600米，「神聖火炬」近兩仗加配頭罩表現不進反退，今次除去此配件可望交回應有水準，田泰安戰意佳亦可信。「綠色威」今季演出穩定全有獎金，番一個月再跑強項路程，不容輕視。

　　至於第九場二班1600米，大摩三駒均有實力，比較上「閃爍武士」及「貳寶」季內未交代應可秤先多少，尤以後駒連場後上不及，今次增程兼換莫雷拉，贏面最大。尾關第十場三班1400米，「大將風雲」上仗初戴眼罩及初配杜滿萊即有好表現，於草地賽跑第二，原庄人馬再戰有力補中。「御皇鷹」回配人馬合作一次即入Q的貝湯美，係時候交代。(耀鈞)