拿玻里反客為主

猪拉多纳

史雲斯新帥蒙克冇歐戰經驗

英超中游球隊史雲斯會於歐霸盃32強主場迎戰意甲名牌拿玻里，「天鵝」改由隊長蒙克領軍後士氣係好咗，但踢歐洲賽唔同聯賽，賽前部署好緊要，蒙克欠缺帶隊打大戰經驗，未夠料揮低老狐狸賓尼迪斯，呢場拿玻里作客讓平半照捧上盤！

（有線61及201台周五凌晨4時05分直播）

史雲斯炒咗米高盧特立，改由蒙克帶隊，度士認為唔係壞事，班波氣氛唔好，搵個精神領袖頂檔，短時間內確係可以提升士氣。不過，蒙克做領隊只係初哥，踢英超都叫知道對手底細，可以靠班教練團幫手度計，但出到去歐洲賽完全係兩回事，點樣因應對手及球員作出針對性部署，佢仲有排學嘢啦！「天鵝」上場足總盃留力輸波，今戰會強陣搏殺，但主將米捷及舒維爾等之前傷過，就算夾硬落場都係冇態。
希古恩咸錫卡士贏晒

相比之下，拿玻里教頭賓尼迪斯經驗豐富好多，佢曾帶領利物浦稱霸歐聯，絕對係歐戰專家。呢個戰術大師最擅長部署，呢點正正係蒙克弱項，亦係今場勝負關鍵！論人腳拿玻里根本係歐聯級數，隊內射手希古恩及中場咸錫等人都係歐洲頂級球員，拍埋史雲斯度點秤都高啲。歐戰去到淘汰賽階段見真章，優勝劣敗冇得拗，正如利華古遜於歐聯主場迎戰都畀巴黎聖日耳門大炒，拿玻里級數贏晒，有力反客為主。