貝湯美又來港「歡騰」

猪拉多纳

　　上周貝湯美來港客串，賭博士早已明言，人家千里迢迢到臨，大摩在情在理，又怎可讓人空手回？除「威爾頓」捧走經典盃，還有「八心之煌」跑入Q，另外「恩格斯」也得第四，湯美仔當日獎金收入極豐厚，都算不枉此行。

　　事隔一周，大摩又召來湯美仔為自己賣命，騎者任勞任怨，所謂孺子可教，大摩感覺必受落，也難得湯美仔聽教聽話，身為「波士」者，豈可令「下屬」白忙一場。故可預期，今次湯美仔胯下四隻摩廐馬，肯定有靚貨在其中，甚至四隻全是揀手貨，也絕對不出奇！

　　就講第四場「伽楠」，上仗出戰谷草輸七乘許，演出的確麻麻，谷草賽事水準偏低，尚且應付不了，今次回師田草，爭勝機會不是更渺茫嗎？不過話說回來，「伽楠」體重近千二磅，分量十足的高頭大馬，未必適合窄場發揮，況且剛戰是首次渡江，未及適應非戰之罪。事實上，「伽楠」跑田草曾獲冠亞各一，腳法至為正宗，湯美仔又出糧了！

　　另外第九場「活力歡騰」，前仗初出上名已露一手，剛戰泥地落第，主因是受阻嚴重，今鍥而不捨再爭泥地，分明要拼個明白。