基雲告別米堡細頂到尾

猪拉多纳

今晚英冠米杜士堡主場對列斯聯，係米堡門將基雲嘅告別戰，踢完今場呢位愛爾蘭門神就要返去阿士東維拉嘅後備席長坐，雖然基雲不捨米堡，但天下無不散之筵席，今場基雲一於奮力把守最後一關，以零失球為自己、為米堡作完美告別，科娜一於撐基雲、撐細盤﹗

現年37歲嘅基雲上年11月底借至米杜士堡，為球隊立下不少汗馬功勞，佢為米堡喺聯賽上陣15場，就有9場係保持不失，可見佢仍係寶刀未老，令到米堡嘅防守穩陣咗好多，特別係主場，米堡近五場聯賽均係零失球，都咪話唔誇張﹗雖然基雲講到明想留喺米堡到季尾，但最尾佢都未能如願以償，所以今場佢一定會付出120%嘅集中力，為米堡守住最後一關 ﹗

米堡就快冇咗門神基雲，但列斯聯就快會有一位新門神加盟，佢就係英格蘭嘅未來——畢蘭特，見到勁敵加盟，列斯嘅正選門將巴迪堅尼一定會打醒十二分精神，用出色嘅表現保住正選門將嘅位置，今場細盤有望。
TVB301 周六晚8時15分直播