法甲護級大戰華倫西恩斯主W有景轟

猪拉多纳

法甲有場護級大戰華倫西恩斯主場對索察，歐洲菠菜公司大部分個主W都超過1.8倍，但馬會足智彩主W只得1.73倍，兩軍近況差唔多，而且實力相若，足智彩操盤手個W開到咁低，唔通收到啲特別資訊？

兩軍喺聯賽嘅近績差唔多一模一樣，近六戰都係兩勝一和三負，排名又好接近，華倫西恩斯排尾三，索察就排尾二，呢場護級六分波，估計雙方鬥志一樣咁旺盛，照計擁主場之利嗰隊讓平半，即主W係2.15倍至2.25之間，最盡都係讓半球，即主W介乎1.8倍至2.1倍之間，但馬會開出主W1.73倍，遠低於市場水平，最奇怪嘅係，和波賠率3.1倍亦差唔多係全球最低，唔知操盤手乜嘢葫蘆賣乜藥？

（周日凌晨3時開賽）