華麗登場票數硬淨

猪拉多纳

　　今期十場賽事於沙田馬場上演，當中有七場係草地賽，三場係泥地賽。噚日睇飛，發現十場賽事中，竟然有三場曾經由孭住133磅嘅馬做大熱門，佢哋包括係第一場「金瀛」、第四場「華麗登場」同埋第八場「醒目波幅」（見表）。大家賭馬嘅一定知，匹馬孭住頂磅去搏命，影響真係好大，難得咁都有信心飛，好難唔信。

　　三駒中，周某最鍾意第四場「華麗登場」，呢匹馬今季兩次配韋達跑田草1200米都入Q，而且兩次都有墊底飛，難怪今次原庄配搭再跑呢個路程會備受熱捧，仲一度成為隔晚嘅大熱門。雖然今鋪排喺九檔又孭133磅，但呢匹馬前速真係幾高，要埋欄唔係問題，有權放到。騎師王方面，莫雷拉停賽前一定搏，騎足十場有1.65倍算好。