拿玻里1.6倍大盤趁熱食

猪拉多纳

連拿紮住上 難保不失

意甲兩支前列球隊拿玻里同費倫天拿今晚分途出擊，當中以拿玻里主場迎戰熱拿亞較值得關注，主隊近期遭滅「門」之災，兩位門將連拿同拉菲爾卡比爾都有傷在身，後者更係有排抖，連拿今仗或要頂硬上，為防線增添隱憂。好在前線希古恩、荷西卡利祖及咸錫狀態夠弗，入波唔成問題。熱拿亞屬於「神經刀」，水準大起大落，1.6倍入球大咪嫌熱。

（TVB 301周二凌晨4時直播）

連拿近期一直受傷患困擾，上周中歐霸盃對史雲斯，教練賓尼迪斯本來收起佢，點知正選披甲嘅拉菲爾卡比爾踢咗半場就傷出，結果都要連拿入替。呢位西班牙國腳今仗紮住上，隨時成後防計時炸彈。不過希古恩、荷西卡利祖及咸錫組合嘅進攻鐵三角，火力十足，加上近8次主場7勝嘅強勢，相信肥賓仍會採取強攻戰術，入多幾粒「燕梳球」，為免夜長夢多。

熱拿亞繼早前同費倫打和3比3後，上仗又同烏甸尼斯炮製6個入球，夠晒娛樂性。老牌射手基拿甸奴腳風堅順，上仗梅開二度，絕對有機會喺拿玻里身上入波。
帕爾馬費倫「細」均力敵

另一場帕爾馬主場對費倫天拿，帕爾馬今季表現令人驚喜，今仗仲要讓波，但費倫始終有級數，雙方勢均力敵，預料戰局拉鋸，揀入球細。

（TVB 301周二凌晨2時直播）