西維爾爭盃博大霧

猪拉多纳

西甲西維爾主場對斯甲馬里博爾，Macot係斯洛文尼亞人，馬里博爾更係我出生嘅城市，對於呢支小球會能夠首次殺入歐霸淘汰賽階段非常高興，雖然嚟到32強抽到下籤，但我哋嘅表現同成績都有晒交代，尤其首回合相當進取，結果主場和咗2比2，今晚作客西維爾雖然惡踢，但勝在冇乜壓力，想創造奇迹就必須要入波，捧大盤。

（周五凌晨2時開賽）

西維爾無論實力同經驗都贏晒馬里博爾，經過首回合差啲輸波後，相信今仗喺主場都唔敢輕敵，事實上佢哋聯賽都冇乜嘢爭，絕對唔會喺歐霸盃放軟手腳。今屆嘅西維爾攻強守弱，主場例牌搶攻，西甲主場開大率超過六成，球隊防線唔穩陣，今晚全面壓上必會畀到更多反擊空間客軍，我好有信心馬里博爾今晚可以入到波，當然西維爾今場熱到燙手絕對合情合理，馬里博爾爆冷機會甚微，1.54倍入球大係穩陣之選，波膽可以小吼主隊贏3比1。