微笑教頭發功漢堡打吡稱雄

猪拉多纳

德甲雲達不來梅主場對漢堡，今場波香港冇直播，但喺德國嚟講就意義重大，皆因係第100次德甲北方打吡，亦係護級關鍵戰，漢堡近期換帥即有脫胎換骨表現，相反不來梅依然攻不銳，守不穩，平手盤撐漢堡。

（周六晚10時30分開賽）

經過聯賽七連敗後，漢堡十日前終於炒咗荷蘭主帥雲馬維克，改聘史隆卡領軍，呢位新帥過去喺史浩克04同漢諾威都有好成績，而且佢將喺漢諾威嘅成功方程式帶埋嚟漢堡，記得佢喺2010年初出任漢諾威教練，當時全隊都正受到門將安基自殺身亡慘劇打擊，根本無心戀戰，史隆卡上任後連輸6場，但佢好努力鼓勵球員忘記過去創傷，為球隊重新帶嚟笑容同正面比賽態度，令佢得到「微笑教頭」嘅稱號，結果漢諾威好快走出低谷，之後一季仲攞到球會史上最佳嘅德甲第四名添！今次佢接任漢堡教頭亦立即叫球員忘記近月失意，佢亦落足工夫，上仗首度領軍即更換八名正選球員，將最適合人選放喺最適合位置，漢堡即時大炒勁旅多蒙特，士氣返晒嚟！
拉蘇加繼父係昔日不來梅名將

今晚漢堡爭勝嘅另一關鍵人物係箭頭拉蘇加，呢位今季德甲入波最多嘅本土球員，已被視為德國世界盃新希望，今場打吡對佢嚟講亦意義重大，皆因佢嘅繼父奧利華列克，昔日曾經係不來梅著名門將，亦曾經入選德國國家隊。呢場打吡戰預期雙方都會謹慎，入波唔會多，不來梅雖有主場之利，但球隊演出持續低水準，漢堡無論狀態同平均質素都勝一籌，作客夠贏。
Oliver 推介

漢堡平手盤

4★

利華古遜上盤

3★

禾夫斯堡平手盤

3★（周日）