中國好有起色可捧

猪拉多纳

　　頭場五班1000米，一批熟口熟面的馬，當中有八駒曾於2月12日總場次391同班同程較量過，結果由「辣得喜」勝出，此駒今次只較該役多負五磅，而且排檔更好，表面睇要再贏確實機會甚大；不過，五班馬向來少連捷兼臨場多屬大熱門，限於作配。

　　反而該場跑第六的「中國好」更有重視價值，當時牠轉霍利時馬房初出，賽前操練工夫平平，但後追一段不俗，足證有起色；復課後連拍兩課辣磨，箭頭直指今仗相當明顯，最重要是回配熟手黎海榮，可望打開今季勝利之門。最睇唔透一定係「永得米」，上場在四班負於兩出兩捷之「天心星」五個身位得第五，表現已露一手，今初落五班必佔優勢，加上賽前試谷閘走勢好，有力一網打盡。

　　第二場四班1200米，「勝利大將」上場轉方嘉柏馬房初出即搏殺，結果不敵質素較高之「英勇大師」跑第二，非戰之罪之餘，亦反映方仔心急交代，今相隔兩周再戰同程，對手中已無超卓分子，應可順利補中。「故事」由來港時的70分降至目前43分，加上北半球自購馬逐漸適應水土，難怪近仗已連番跑近，其中前仗同程跑第四應已試準，續配韋達有計。

　　其他馬方面，「喜樂洋洋」現階段雖以中距離賽事最好，但休出有新鮮感跑短亦可，況且同程贏過，有備而來不可不防。(耀鈞)