錫菲聯當弗 夠贏查爾頓

猪拉多纳

近況弗爆嘅甲組仔錫菲聯足總盃8強戰越級挑戰英冠球隊查爾頓，球場32,000個座位全部爆滿，喺第12人嘅大力支持下，球隊可延續7連勝只失1球嘅威勢，有力擊敗查爾頓殺入4強，小讓平半可捧上盤。

（now621周日晚8時直播）

雖然今季跌到落甲組，但錫菲聯晉級到8強嘅過程絕對有說服力，包括淘汰阿士東維拉及富咸兩支英超球隊，今次對英冠嘅查爾頓，球員絕冇心理壓力。最緊要嘅係佢哋近期弗到冇朋友，最近7場全部贏晒，只係失過1球，加上主場威力，支持理據十足。

至於查爾頓英冠排尾3，護級水深火熱，近4場作客輸3場，心繫護級料冇心爭盃，今仗難以逞強，捧錫菲聯贏波晉級。