容天鵬省靚招牌

猪拉多纳

「綵」系王氏大軍踏入馬年都好旺，過年爆冷贏咗佢哋有份嘅團體馬「有綵」，而掌舵人王明澤囝囝王經緯喺上個星期拉埋天窗，成家立室，尋日佢家姐王錦汶名下嘅「真綵」轉去容天鵬度初次出賽，重返泥地上陣，兼且大幅增程跑1800米，結果喺柏寶胯下成功變身，以兩個馬位彈甩亞軍「壯烈雄心」打開在港勝門。
       
容天鵬（右）與柏寶首次合作贏馬。
「綵」系新抱好腳頭

爸爸王明澤應該係最高興嗰個，皆因娶完新抱，阿囡愛駒「真綵」就打響勝鼓，新抱仔果然好好腳頭。